MƏCBURİ KÖÇKÜNLƏRİN TƏHSİL PROBLEMLƏRİNİN HƏLLİNDƏ ULU ÖNDƏR HEYDƏR ƏLİYEVİN ROLU

Abstract

Ulu öndər Heydər Əliyev müdrik və cəsarətli siyasi xadim, ölkəsinin və xalqının güclü vətənpərvəri, lideridir. O, həyatını və bütün fəaliyyətini xalqına həsr edib. Ümummilli lider hakimiyyəti dövründə daim xalqının yanında olub və onun taleyüklü məsələlərinin həllini öz üzərinə götürüb.
Heydər Əliyevin genişmiqyaslı dövlət idarəçiliyində elm və təhsil siyasəti mühüm yer tutub. u sahənin inkişafına böyük qayğı və həssaslıqla yanaşıb. Onun təhsil siyasəti milli mənafelər üzərindən qurularaq cəmiyyətimizin davamlı və dayanaqlı inkişafına xidmət edib. Təsadüfi deyil ki, Ümummilli lider hakimiyyətdə olduğu illərdə ölkədə təhsil islahatları aparılmasının zəruriliyini qeyd etmiş, hər bir inkişafın elm və təhsildən asılı olduğunu xüsusi vurğulamışdır. Böyük dövlət xadiminin bu prinsipi Azərbaycanda təhsil siyasətinin əsas qayəsini təşkil edib. Onun təhsilə verdiyi qiymət fəaliyyəti boyunca hiss olunurdu.